«Յուվենտուս»-ը հակված է Պոգբային վաճառել «Բարսելոնա»-ին

Իտալական «Յուվենտուս»-ի ղեկավարությունն ավելի շատ հակված է Պոլ Պոգբայի տրանսֆերը վաճառել կատալոնական «Բարսելոնա»-ին, այս մասին գրում է Sport.es-ը։

«Բարսելոնա»-ն պատրաստ է իտալական ակումբին վճարել 80 մլն եվրո և ևս 10 մլն եվրո հավելավճարի տեսքով, եթե Պոգբան հանդես գա կատալոնական ակումբում։

Սակայն Պոգբան 2015/16թթ մրցաշրջանում հանդես կգա «Յուվենտուս»-ում, քանի որ մինչև 2016թ․ հուլիսի 1-ը «Բարսելոնա»-ն իրավունք չունի համալրել կազմը՝ տրանսֆերային արգելքի պատճառով։