«Հայաստանը լի է ժողովրդավարական չափանիշներին համապատասխան ընտրություններ անցկացնելու վճռականությամբ»:

Իշխանական գործիչները յուրաքանչյուր ընտրությունից առաջ նման հայտարարություններ են անում, բայց երբ գալիս է քվեարկության օրը, նրանք կրկին դիմում են «ավանդական միջոցներին»` ընտրակեղծիքներին: Այս անգամը եւս հազիվ թե բացառություն լինի: Այլապես եթե Հայաստանում անցկացվեն ժողովրդավարական չափանիշներին համապատասխան ընտրություններ, ապա իշխանությունները, այդ թվում եւ Էդվարդ Նալբանդյանը, կհայտնվեն իրենց համար անցանկալի տեղերում: Ուստի ընտրություններից ամիսներ առաջ արդեն Նալբանդյանը սկսել է միջազգային հանրությանը մոլորության մեջ գցելու «ակտիվ, նախաձեռնողական, բազմավեկտոր» գործընթաց տանել: