Քաղաքագետ Անդրիաս Ղուկասյանն Ազատության հրապարակում է և ցուցարարներին հորդորեց միասին խաղաղ երթ անցկացնել Մաշտոցի պողոտա- Ամիրյան- Նալբանդյան- Թումանյան փողոցներով և քաղաքացիներին իրազեկել, որ պայքարը շարունակվում է: Սակայն ոստիկանությունը թույլ չտվեց նրանց դուրս գալ՝ փակելով ճանապարհը:
Երևանի փոխոստիկանապետ Վալերի Օսիպյանը նշեց, որ երթի մասին չկա համապատասխան իրազեկում և իրենք չեն կարող թույլ տալ երթը: Այնտեղ է նաև ՀՀ փոխոստիկանապետ Հունան Պողոսյանը, ով նշեց, թե այս ժամին երթ անցկացնել իրենք չեն կարող թույլ տալ:
.gif)
