ՀՐԱԺԵՇՏ ՀԱՅՐԵՆԻՔՈՒՄ

Այսօր՝ դեկտեմբերի 11-ին՝ ժամը 12:00-14:00-ին, Արամ Խաչատրյան համերգասրահում կկայանա երգչուհի Ֆլորա Մարտիրոսյանի հրաժեշտի արարողությունը, ապա հուղարկավորությունը Երեւանի քաղաքային պանթեոնում:
Հիշեցնենք, որ նոյեմբերի 20-ին ԱՄՆ Լոս Անջելես քաղաքի հիվանդանոցներից մեկում կյանքից հեռացավ ՀՀ ժողովրդական արտիստ Ֆլորա Մարտիրոսյանը: Մահվանից մեկ շաբաթ անց` նոյեմբերի 27-ին, վարչապետ Տիգրան Սարգսյանի նախաձեռնությամբ ստեղծվեց թաղման կառավարական հանձնաժողով ՀՀ մշակույթի նախարար Հասմիկ Պողոսյանի գլխավորությամբ: Ֆլորա Մարտիրոսյանի աճյունի տեղափոխման եւ հուղարկավորության ծախսերը հոգում է ՀՀ կառավարությունը:
Ֆլորա Մարտիրոսյանը ծնվել է 1957թ. փետրվարի 5-ին Գյումրիում: 1971թ. ավարտել է Գյումրու Արմեն Տիգրանյանի անվան երաժշտական դպրոցը, 1974-1978թթ.՝ սովորել Կարա-Մուրզայի անվան երաժշտական ուսումնարանում, 1981-1986թթ. ուսումը շարունակել Երեւանի Կոմիտասի անվան պետական կոնսերվատորիայի ժողովրդական երգեցողության բաժնում: