ՀԱՐՑ. Օրերս առիթ ունեցա «Beeline» հեռախոսային 1-09 տեղեկատուից հեռախոսահամար պարզելու. օպերատորի ձայնը լսելու բախտն ունեցա զանգի մոտավորապես 14-րդ րոպեին միայն… Ծառայության որակը լավացնելու ավելի հանդուրժելի տարբերակ դժվա՞ր էր գտնել «Beeline»-ի համար: Հետաքրքիր է` նման եղանակով քանի վճարովի րոպե է օգտատերերից կորզվում հօգուտ «Beeline»-ի:
ՊԱՏԱՍԽԱՆ. 1-09 համարի ցածր հասանելիության խնդիրը ներկայում գտնվում է ընկերության տնօրինության ուշադրության կենտրոնում: Ընկերության բաժանորդների թվի աճն անհրաժեշտ է դարձրել գծում զբաղված օպերատորների քանակության ավելացումը: Սակայն դա պահանջում է որոշ ժամանակ. յուրաքանչյուր օպերատորի ընտրվելուց հետո տվյալ անձն անցնում է երկարատեւ ուսուցում, որից հետո հանձնում է համապատասխան քննություն, ինչից հետո միայն կարող է աշխատել գծում:
Ինչ վերաբերում է գծում սպասելու րոպեավարձի վերաբերյալ բաժանորդի հարցին, տեղեկացնեմ, որ հաճախորդների սպասարկման շուրջօրյա գործող հեռախոսահամարներին (1-09, 1-00 եւ այլն) զանգերը «Beeline» բջջային ֆիքսված հեռախոսահամարներից իրականացվում է անվճար:
ծառայության ղեկավար Անուշ Բեղլոյան
«ԺՈՂՈՎՈՒՐԴ». Հուսով ենք, որ մինչեւ անհրաժեշտ քանակով օպերատորներ պատրաստելը, ընկերությունը չի կորցնի իր մեծաքանակ բաժանորդներին. չէ՞ որ րոպեն թեեւ անվճար է, բայց թանկ է բոլորի համար:
.gif)
