Հպարտություն եմ ապրում մեր երեխաների, ուսուցիչների, կրթության ոլորտի մեր նվիրյալների համար. Ա. Աշոտյան

ԿՀ նախարար Արմեն Աշոտյանն անդրադարձել է հայ աշակերտների արդյունքներին Թայլանդում տեղի ունեցած միջազգային օլիմպիադայում.

«Մեր աշակերտների հերթական հաղթանակները միջազգային օլիմպիադաներում։

Հայաստանի մաթեմատիկայի հավաքականը հրաշալի է հանդես եկել Թայլանդում տեղի ունեցած միջազգային օլիմպիադային` նվաճելով մեկ արծաթե և հինգ բրոնզե մեդալ։ Մեր թիմի բոլոր աշակերտները վերադառնում են բարձր պարգևներով։

Կրկին հպարտություն եմ ապրում մեր երեխաների, մեր ուսուցիչների, կրթության ոլորտի մեր նվիրյալների համար։ Շատ ապրեն բոլորը։