ՀՀ ԱԺ Բարգավաճ Հայաստան խմբակցության քարտուղար Վահե Էնֆիաջյանն Armlur.am-ի հետ զրույցում ապատեղեկատվություն համարեց այն լուրերը, թե ԲՀԿ-ական պատգամավոր Աբրահամ Մանուկյանի որդին առնչություն ունի քրեական հեղինակություն Արթուր Հովհաննիսյանի (Չուգուն) սպանության գործին:
Նշենք, որ ըստ շրջանառվող լուրերի՝ Արթուր Հովհաննիսյանը օրեր առաջ կոնֆլիկտ է ունեցել ԱԺ ԲՀԿ խմբակցության անդամ Աբրահամ Մանուկյանի որդու` Արթուր Մանուկյանի հետ: Ի դեպ, վերջինս Երեւանի նախկին ոստիկանապետ Ներսիկ Նազարյանի փեսան է:
«Հարցին կպատախանեմ շատ կարճ՝ դա ապատեղեկատվություն է»,- ասաց ԲՀԿ-ական պատգամավորը և հրաժարվեց այլ մեկնաբանություն անել:
Հիշեցնենք, որ երեկ` հուլիսի 14-ին, Տիգրանյան 5 հասցեի բակում հնչել էին կրակոցներ, որի արդյունքում սպանվել է քրեական հեղինակություն համարվող 35-ամյա Արթուր Հովհաննիսյանը, ով հայտնի էր Չուգուն մականվամբ:
.gif)
