Վրաստանի իրավապահների կողմից հետախուզվողը հայտնաբերվել է

Դեկտեմբերի 20-ին, ժամը 23.25-ին, ոստիկանության Աշոցքի բաժնի ծառայողները Բավրայի մաքսատան հսկիչ անցագրային կետի տարածքից բերման են ենթարկել Վրաստանի քաղաքացի, 1984 թ. ծնված  Գևորգ Զ.-ին, որը 2007 թ. հունվարի 5-ից Վրաստանի իրավապահների կողմից հետախուզվում էր Վրաստանի քրեական օրենսգրքի 239 հոդվածի 1-ին մասի Ա կետի` խուլիգանության  մեղադրանքով:

Խափանման միջոցը` կալանք: Գևորգ Զ.-ի հայտնաբերման մասին հայտնվել է հետախուզումը նախաձեռնողին: Վերջինս տեղափոխվել է ոստիկանության Ախուրյանի բաժնի ձերբակալվածների պահման վայր: