Armlur.am-ի տեղեկություններով, Սյունիքի մարզպետ Սուրիկ Խաչատրյանի որդիների և եղբոր մասնակցությամբ Գորիսի Սդղլի գյոլ կոչվող տարածքում դաժան ծեծի ենթարկված Զաքարյան եղբայրներից Հարություն Զաքարյանը վաղը կրկին մեկնում է Մոսկվա:
Մեզ հասած տեղեկությունների համաձայն, մեկնելու նպատակը միջադեպի հետևանքով վնասված աչքի բուժումը շարունակելն է:
Տեղեկացնենք նաև, որ այսօր լրանում է քննչական կոմիտեի՝ Տիգրան Խաչատրյանին տրամադրած քառօրյա ժամկետը, որի ընթացքում նա պետք է ներկայանար Հարություն Զաքարյանի հետ առերեսման:
Փաստորեն ստացվում է, որ եթե այսօր էլ առերեսումը տեղի չունենա, դժվար է պատկերացնել, թե երբ այն կլինի: Իսկ այս առերեսումից, ինչպես հայտնի է, շատ բան է կախված: Մասնավորապես, սրանից հետո պարզ կդառնա՝ ինչ ընթացք կունենա գործը, և ինչ կարգավիճակում կհայտնվի Տիգրան Խաչատրյանը:
Հիշեցնենք, որ վերջինս առերեսման հետաձգում էր խնդրել՝ պատճառաբանելով, թե փաստաբանը երկրում չէ:
.gif)
