Երևանի քաղաքապետ Տարոն Մարգարյանի հանձնարարությամբ մայրաքաղաքի վարչական շրջանների և ՀՀ մարզերի հետ համագործակցության ծրագրի շրջանակում Մալաթիա-Սեբաստիա վարչական շրջանի ղեկավար Արտակ Ալեքսանյանը հանդիպել է Արարատի մարզպետ Ռուբիկ Աբրահամյանի հետ: Կարևորելով տեղական ինքնակառավարման մակարդակում համագործակցությունը վարչական շրջանի և մարզի միջև՝ կողմերը խոսել են փոխգործակցության ուղղությունների ու հեռանկարների մասին, որից հետո կնքվել է բարեկամության համաձայնագիր: Ըստ այդմ, քաղաքային տնտեսության կառավարման ոլորտներում նախատեսվում է իրականացնել փորձի փոխանակման, մշակութային, սոցիալական, առողջապահական ուղղվածության ծրագրեր,մարզական միջոցառումներ, ուսուցիչների, աշակերտների, մարզդպրոցների մարզիչների փոխայցելություններ:
ՀՀ Արարատի մարզ կատարած բարեկամական այցի շրջանակում Մալաթիա-Սեբաստիա վարչական շրջանի ղեկավար Արտակ Ալեքսանյանը հանդիպել է Մասիսի քաղաքապետ Սաշա Հակոբյանի հետ: Մայրաքաղաքի Մալաթիա-Սեբաստիա վարչական շրջանի և ՀՀ Արարատի մարզի միջև համագործակցության համաձայնագրով վարչական շրջանի ու Մասիս քաղաքի միջև փոխգործակցություն կծավալվի երիտասարդության հետ տարվող աշխատանքների , ինչպես նաև մշակութային, կրթական ու այլ ոլորտներում:
.gif)
