Թբիլիսիի Սուրբ Գևորգ եկեղեցու վերանորոգման աշխատանքները օգոստոսին կավարտվեն. երբ տեղի կունենա բացումը (ֆոտո)

Վրաստանի մայրաքաղաք Թբիլիսիում դեռևս 2009 թվականին փլուզված Սուրբ Գևորգ եկեղեցում վերանորոգման աշխատանքները մոտենում են ավարտին: Ինչպես Armlur.am-ի հետ զրույցում ասաց Վիրահայոց թեմի մամլո պատասխանատու Սուսաննա Խաչատրյանը, եկեղեցու վերանորոգման աշխատանքները գրեթե մոտեցել են ավարտին և մնացել է տեղանքի և շրջական միջավայրի բարեկարգման աշխատանքները. «Այդ աշխատանքները հավանաբար այս օգոստոսին կավարտվեն: Մենք ուզում ենք, որ այն բարձր մակարդակով լինի, որովհետև եկեղեցին շատ լավ է վերանորոգված, շատ լավ տեսքի է»:

Սուսաննա Խաչատրյանը նշեց, որ եկեղեցու բացումը տեղի կունենա հոկտեմբերի երկրորդ կեսին, սակայն Armlur.am-ի տեղեկություններով, եկեղեցու բացումը տեղի կունենա հոկտեմբերի 27-ին: «Եկեղեցու բացումը նախատեսված է կատարել բարձր մակարդակով»,- հավելեց Վիրահայոց թեմի մամլո ծառայության տնօրեն Սուսաննա Խաչատրյանը:

Հավելենք, որ Սուրբ Գևորգ եկեղեցին վերանորոգվում է արդեն 3 տարի` հայազգի գործարար Ռուբեն Վարդանյանի հովանավորությամբ:

Քրիստինա Աղալարյան