Ինչպես Armlur.am-ը տեղեկացրել էր «Նաիրիտ» գործարանի աշխատակիցները այսօրվանից Կառավարության շենքի առաջ սկսկել են անժամկետ նստացույց` մինչև վերջին նաիրիտցին աշխատավարձ չստանա: Նրանք բավական զայրացած էին, նույնիսկ մոտ 20 րոպե փակեցին Տիգրան Մեծ փողոցի դեպի Հանրապետության հրապարակ տանող հատվածը: Երևանի փոխոստիկանապետ Վալերի Օսիպյանն էլ հորդորեց նրանց անօրինական քայլեր չանել և չստիպել, որ ոստիկանությունն ուժ կիրառի:
Նաիրիտցիները մի քանի օր առաջ Էներգետիկայի և բնական պաշարների նախարարություն նամակ էին ուղարկել, որով իրենց դժգոհությունն էին հայտնել, որ տույժ տուգանքներից հրաժարվելու փաստաթուղթը անօրինական է:
Նախարարությունից նրանց պատասխանել էին, որ նամակի պատասխանին կարող են ծանոթանալ պաշտոնական կայքում, սակայն այնտեղ այդպես էլ պատասխան չի հրապարակվել: Այսօր մի քանի նաիրիտցի գնացին նախարաարություն` ստանալու իրենց նամակի պատասխանը, սակայն նրանց ասասցին, որ ընդմիջում է, որից հետո կարող են մոտենալ: Այս պահին գործարանի աշխատակիցները Կառավարության դիմաց են և մտադիր են գիշերն այնտեղ մնալ:
Հավելենք, որ Մարդու իրավունքների պաշտպան Կարեն Անդրեասյանն էլ նաիրիտցիներին հորդորեց սպասել մինչև երկուշաբթի, եթե մինչ այդ չբավարարվեն պահանջները, ապա հրավիրեց իր մոտ համապատասխան գործընթաց սկսելու:
Մանրամասները` Armlur.am-ի տեսանյութում:
.gif)
