«Կայանալիք նախագահական ընտրությունները կդառնան Հայաստանի պատմության մեջ լավագույնը, ամենաանխոցելին եւ ժողովրդավարականը»:

Ցանկացած օտարերկրացի, եթե լսի մեր իշխանութան եւ նրա ծառաների կողմից տրվող գունազարդ նկարագրությունները, առաջին ցանկությունը, որ կունենա, անհապաղ Հայաստան գալն ու այստեղ ապրելն է: Մի իսկական դրախտավայր՝ ամենաբարձր ցուցանիշներով, ժողովրդավարական արժեքներով, որոնց կնախանձեն նույնիսկ աշխարհի ամենազարգացած երկրները: Եվ, իհարկե, ամեն ինչ թափանցիկ՝ թե՛ ընտրությունները, թե՛ արտագաղթի օրեցօր աճող ծավալները եւ թե՛ ուղեղի լվացումը: Ընտրությունների «հերն անիծեցին» թողեցին, քաղաքական դաշտը վերածեցին ծաղրածուների կրկեսի, հիմա էլ ուղեղ են լվանում: