Հրդեհ` Շիրակի մարզում. անասնագոմից դուրս է բերվել երկու գլուխ անասուն

Օգոստոսի 2-ին` ժամը 09.08-ին տեղեկություն է ստացվել, որ Շիրակի մարզի Անուշավան գյուղի թիվ 31 փողոցի տներից մեկի մոտակայքում այրվում է պահեստավորված անասնակեր:

Դեպքի վայր է մեկնել երկու մարտական հաշվարկ: Հրդեհը մեկուսացվել է ժամը 09.35-ին, մարվել՝ 10.13-ին:

Ջերմահարվել է անասնագոմի ծածկը (20 քմ) և ներսում այրվել` մոտ 60 հակ անասնակեր: Հրշեջ-փրկարարները անասնագոմից դուրս են բերել 2 գլուխ անասուն: