ՀՀ հատուկ քննչական ծառայությունն ավարտել է ՀՀ ոստիկանության Երևան քաղաքի վարչության ՊՊԾ գնդի ոստիկան Կնյազ Բարսեղյանի կողմից անչափահասին վրաերթի ենթարկելու դեպքի առթիվ հարուցված քրեական գործի նախաքննությունը։ Քննությամբ հիմնավորվել է, որ 2012թ. հունիսի 26-ին` ժամը 21-ի սահմաններում, Արմավիր-Երևան ավտոճանապարհին Կ.Բարսեղյանը, վարելով “Ֆոլցվագեն-Գոլֆ” մակնիշի ավտոմեքենան, խախտել է ճանապարհային երթևեկության կանոնները և ունենալով վրաերթը կանխելու տեխնիկական հնարավորություն` չի դանդաղեցրել ավտոմեքենայի ընթացքը, ինչի հետևանքով վրաերթի է ենթարկել 12-ամյա Լևոն Թադևոսյանին։ Ստացած վնասվածքներից երեխան մահացել է։
Կնյազ Բարսեղյանին մեղադրանք է առաջադրվել ՀՀ քրեական օրենսգրքի ՀՀ քրեական օրենսգրքի 242-րդ հոդվածի 2-րդ մասով, իսկ գործը քննվում է Արմավիրի մարզի ընդհանուր իրավասության դատարանում: Հաջորդ դատական նիստը տեղի կունենա հունվարի 31-ին:
“Փաստինֆո”
.gif)
