«Հակառակ դեպքում մեր զինծառայողները կասեն, որ իրենց իրավունքը ոտնահարվում է: Մենք նախագահական ընտրություններին հետեւելու ենք, որ անցնեն առանց խախտումների»:

Ախր բանակում ընտրությունները ո՞րն է, ասե՛ք պարտադիր քվեարկություն Սերժ Սարգսյանի օգտին ու վերջացրե՛ք: Բանակում ծառայած յուրաքանչյուր երիտասարդ գիտի դա: Իհարկե, առանց խախտումների կանցնեն, ինչպե՞ս կարող է Սեյրան Օհանյանը թույլ տալ, որ իր ենթականերն ու ենթակաների ենթակաները խախտեն իր հրամանը: Իսկ հրամանը մեկն է՝ քվեարկել Սերժ Սարգսյանի օգտին: Դե զինվորական ծառայության մեջ էլ, գիտենք, հրամանատարի հրամանը չկատարել չի կարելի, կորակվի որպես «հայրենիքի դավաճանություն», եւ տվյալ զինծառայողի համար կսկսվեն «երջանիկ ու անհոգ» օրերը: