Ժողովուրդ. Որտեղի՞ց էպոսագետին այդքան թանկարժեք մեքենաներ

Երեկ հացադուլ անող Անդրիաս Ղուկասյանին է այցելել էպոսագետ Վարդան Սեդրակյանն իր տիկնոջ հետ: Ուշագրավն այն է, որ էպոսագետն ու իր տիկինը եղել են երկու Mitsubishi մակնիշի ավտոմեքենաներով, որոնց մոտավոր գինը 40 հազար դոլար է: Ինչպես հայտնի է, բացի այս երկուսից, էպոսագետը և իր ընտանիքն ունեն նաև Range Rover և Lexus մակնիշի ավտոմեքենաներ: Թե որտեղից նրան այդ փողերը, էպոսագետը մշտապես հրաժարվել է պատասխանել: Բայց սա միակ ուշագրավ փաստը չէ: “Ժողովուրդ”-ի լավատեղյակ աղբյուրների փոխանցմամբ` նախկինում Վ. Սեդրակյանը պարբերաբար կազմակերպել է հավաքներ, որոնց մասնակցել են մի խումբ երիտասարդ տղաներ: Հանդիպումների ժամանակ երիտասարդները լսել են էպոսի մասին Սեդրակյանի մեկնաբանությունները, կարդացել Նիցշե, էպոս և այս ամենի համար վճարվել`արդյունքում վերածվելով շարքային զոմբիների: Փաստորեն, էպոսագետը, բացի լավ դերասան լինելուց, նաև լավ հոգեբան է և զբաղվել ու զբաղվում է ուղեղների լվացմամբ: Ինչ խոսք, տաղանդավոր ու հոյակապ անձնավորություն: