ՀԱՐՑ. Կցանկանայի իմանալ, եթե քաղաքացին շրջանցի գույքահարկ վճարելու պարտականությունները, ապա օրենքն ի՞նչ պատասխանատվություն է նախատեսում պահանջները խախտելու համար:
ՊԱՏԱՍԽԱՆ. Օրենքը խախտելու համար գույքահարկ վճարողները, ինչպես նաեւ գույքահարկի հաշվարկման համար ոչ ճիշտ տեղեկություններ տրամադրած լիազոր, տեղական ինքնակառավարման մարմիններն ու դրանց պաշտոնատար անձինք պատասխանատվություն են կրում Հայաստանի Հանրապետության օրենսդրությամբ սահմանված կարգով:
Կազմակերպություններից գանձվում է տուգանք (նաեւ ստուգման ակտով)՝ կազմակերպությունների համար օրենքով սահմանված հաշվարկների ներկայացման ժամկետին հաջորդող յուրաքանչյուր 15 օրվա համար համապատասխան բյուջե չվճարված գույքահարկի գումարի 5 տոկոսի չափով: Նշված տուգանքների հանրագումարը չպետք է գերազանցի այդ հարկի՝ օրենքով սահմանված վճարման ժամկետին չվճարված գումարը, իսկ 15-օրյա ժամկետը հաշվարկելիս ոչ աշխատանքային օրերը հաշվի են առնվում միայն առաջին տուգանքի հաշվարկման ժամանակ:
«ԺՈՂՈՎՈՒՐԴ». Մնում է հետեւողական լինել, որ այս գործընթացում լրացուցիչ բարդություններ չառաջացնեն եւ, բացի նախատեսված տուգանքից, չփորձեն պոկել նաեւ չնախատեսված գումարներ:
.gif)
