Ամբողջությամբ ավտոտնակ է այրվել

Հայաստանի ՏԿԱԻՆ-ում, օգոստոսի 9-ին, ժամը 12.10-ին ահազանգ է ստացվել, որ հրդեհ է բռնկվել Լոռու մարզր Վանաձոր քաղաքի Չուխաջյան փողոցի թիվ 28 շենքի բակի ավտոտնակներում:

Դեպքի վայր է մեկնել երկու մարտական հաշվարկ: Պարզվել է, որ հրդեհը բռնկվել է երկու ավտոտնակներում: Հրդեհը մեկուսացվել է ժամը 12.59-ին, մարվել` 13.23-ին:

Այրվել են Է. Մ.-ին պատկանող ավտոտնակը՝ մասնակի (մոտ 20 քմ), «ՎԱԶ-2101» մակնիշի 39 LL 841 պ/հ ավտոմեքենան ամբողջությամբ եւ Վ. Է.-ին պատկանող ավտոտնակը` մասնակի (մոտ 17 քմ):