«Ժողովուրդ» օրաթերթը գրում է. «Տխրահռչակ Անդրանիկ Նիկողոսյանը հայաստանյան բենեֆիսների ժամանակ, որպես կանոն, իր մշտական ուղեկիցներն ուներ ի դեմս որոշ պաշտոնյաների: Նրանցից «ամենավառ» կերպարը, որին ամենուրեք կարելի էր տեսնել Նիկողոսյանի կողքին, ՀՀ ԱԺ փոխնախագահ Հերմինե Նաղդալյանն էր: «Ժողովուրդ»-ը արդեն երկու օր է, փորձում է կապ հաստատել ԱԺ փոխնախագահի հետ՝ պարզելու համար, թե արդյոք Անդրանիկ Նիկողոսյանի վերջին հակահայաստանյան հայտարարություններից հետո ինքը շարունակելու է ամենուրեք նրան ուղեկցել:
Իսկ միգուցե Նաղդալյանը եւս որոշի Անդրանիկ Նիկողոսյանի օրինակով Ռուսաստանի Դաշնության քաղաքացի դառնալ: Բացի այդ՝ հետաքրքիր է՝ Հերմինե Նաղդալյանը, ինչպես Հայաստանի ղեկավար կազմից շատերը, Անդրանիկ Նիկողոսյանին թանկարժեք ի՞նչ նվերներ եւ պարգեւներ է մատուցել: Սակայն այս հարցերի պատասխանները մենք չկարողացանք ստանալ, քանի որ Նաղդալյանը երկրում չէ, իր հանգիստն է վայելում»:
Ավելի մանրամասն` թերթի այսօրվա համարում:
.gif)
