Ծննդկան կնոջը կրակած, ապա ինքնասպան եղած ամուսինը երեխայի ծնվելու օրն անհետացած է եղել. իրավապահներն ուշագրավ մանրամասներ են բացահայտել (տեսանյութ)

2015թ հունիսի 30-ին «Արմենիա» բժշկական կենտրոնում ծննդկանին կրակած և ինքնասպան եղած երիտասարդի ողբերգական դեպքից անցել է 1,5 ամիս:

Հիշեցնենք, որ 1982թ. ծնված Հայկ Վարդանյանը բարձրացել էր Հանրապետական հիվանդանոցի ծննդատան 407 վճարովի հիվանդասենյակ և իր մոտ եղած հրազենով կրակել կնոջ` Մ. Ասատրյանի ուղղությամբ, ապա ինքնասպան եղել: Ըստ շրջանառվող լուրերի՝ ամուսինը կասկածել էր, որ երկու օր առաջ ծնված աղջիկ երեխան իր երեխան չէ:

Եվ, ահա, «Ժողովուրդ»-ի լավատեղյակ աղբյուրների փոխանցմամբ` ՀՀ քննչական կոմիտեն տեղի ունեցած միջադեպից հետո, քննչական գործողությունների անհրաժեշտությունից ելնելով ԴՆԹ հետազոտության էր ենթարկել նորածին երեխային, և նախօրեին ստացած եզրակացության համաձայն՝ ծնված աղջիկը ինքնասպան եղած Հայկ Վարդանյանի երեխան է:

«Բացահայտում» հաղորդաշարին այս դեպքից որոշ մանրամասներ են հայտնի դարձել:

Քնար Մանուկյան, Տիգրան Սարգսյան