«Յուվենտուս»-ը հետաքրքրված է Մխիթարյանի ծառայություններով

Թուրինի «Յուվենտուս»-ը կրկին հետաքրքրված է  Դորտմունդի «Բորուսիա»-ի  Հենրիխ Մխիթարյանի ծառայություններով, գրում է gianlucadimarzio.com-ը։

Իտալական ակումբի  գլխավոր մարզիչ Մասսիմիլիանո Ալեգրին խնդրել է ակումբի ղեկավարությանը գնել կիսապաշտպանի տրանսֆերը։ Տեղեկություններ կան, որ «Յուվենտուս»-ը պատրաստ է Մխիթարյանի տրանսֆերի դիմաց «Բորուսիա»-ին վճարել 20 մլն եվրո։

Նշվում է նաև, որ Մխիթարյանի գործակալ Մինո Ռայոլան վաղը կհանդիպի թուրինյան ակումբի ղեկավարությանը: