ԱԺ ՀՀԿ խմբակցության ղեկավար, ՀՀԿ փոխնախագահ Գալուստ Սահակյանը նախօրեին այցելել էր նախագահի թեկնածու, Գիտությունների ազգային ակադեմիայի մոտ հացադուլ հայտարարած Անդրիաս Ղուկասյանին: ՍԴՀԿ անդամ, ԱԱ նախկին փոխնախարար Գուրգեն Եղիազարյանը, անդրադառնալով Գ. Սահակյանի այցին, «Ժողովուրդ»-ի հետ զրույցում հետաքրքիր հիշեցում արեց. «Ճիշտ կլիներ` Գալուստ Սահակյանը ժամանակին՝ տարիներ առաջ, այցելած լիներ նախագահական նստավայրի մոտ անձրեւի տակ նստացույց հայտարարած Գրետա Սարգսյանին` Սպարապետ Վազգեն Սարգսյանի մորը: Եթե այն ժամանակ նա այցելեր, դա կհասկանայի: Այս դեպքում նրա այցը չեմ հասկանում»: Ու իսկապես, հետաքրքիր է, թե ինչ շարժառիթներով է նա գնացել Ա. Ղուկասյանի մոտ, որին պատկանող «Ռադիո հայ»-ի հիմնական գործընկեր ռուսական ռադիոկայանը հենց հաջորդ օրը խզեց իր պայմանագիրը նախագահի թեկնածուի հետ:
.gif)
