Կարմիր կակաչները դժբախտությու՞ն են բերում. Անապայում հայ գործարարի որդու աննախադեպ շքեղ հարսանիքի գիշերը ողբերգություն է տեղի ունեցել (ֆոտո)

Ամիսներ առաջ Ռուսաստանում և Հայաստանում մեծ «աղմուկ» բարձրացրեց ՌԴ Կրասնոդարի երկրամասի Անապա քաղաքում հայ գործարար Գագիկ Ղուլյանի որդու՝ Արմեն Ղուլյանի հարսանիքը, որն իր շքեղությամբ եզակի էր: Հարսանիքին ներկա էին Անդրեյ Մալախովը, Լերա Կուդրյավցեվան, որոնք վարում էին միջոցառումը, Ալեքսեյ Գլիզինը, Անի Լորակը, Ֆիլիպ Կիրկորովը, ով ընդամենը 40 րոպե է ներկա եղել հարսանիքին և հետնամուտքով մտել ու դուրս եկել, Սոչիի քաղաքապետ Անատոլի Պախոմովը կնոջ հետ: Հարսանիքին ներկա են եղել նաև երգչուհի Լիլիթ Հովհաննիսյանը, երգիչ Արմենչիկը: Հարսանիքն արժեցել է 100 մլն ռուբլի (մոտ 2 մլն դոլար), իսկ հարսի զգեստը, որ պատվիրված էր դիզայներ Վալենտին Յուդաշկինի մոտ, արժեր 60 հազ. դոլար:

Նշենք, որ հարսանիքի խոհարարները Իտալիայից են հրավիրված եղել: Իսկ գլխավոր խոհարարը եղել է հայտնի իտալացի խոհարար Բրունո Մարինոն, ով արդեն 20 տարի է աշխատում և ապրում է Ռուսաստանում: Վերջինս Մոսկվայում և այլ քաղաքներում ունի մի քանի ռեստորաններ, որոնք հայտնի են ծովային մթերքներով պատրաստված ուտելիքների հրաշալի տեսականիներով:

Armlur.am-ին այս հարսանիքի վերաբերյալ մի քանի մանրամասներ հայտնի դարձան: Եվ այսպես.Անապայում Armlur.am-ի թղթակցին պատմեցին` նախատեսված էր, որ հայ մեծահարուստի որդու հարսանիքը պետք է 3 օր շարունակ լիներ՝ առաջին օրը հրավիրված են եղել մոտ 500 հյուր, երկրորդ օրը՝ 300: Սակայն հենց հարսանիքի գիշերը ողբերգություն է տեղի ունեցել: Փեսայի՝ Արմեն Ղուլյանի ընկերները, ովքեր հարսանիքից ոգելից խմիչքի ազդեցության տակ դուրս էին եկել, վթարի են ենթարկվել: Մեքենայում եղել են 4-5 երիտասարդ, որոնցից 2-ը մահացել են: Մահացածներն, ըստ մեր տեղեկությունների, 19 և 20 տներ արեկան երիտասարդեն եղել: Նրանցից մեկը հարսի` Դիաննայի հարազատն է եղել, մյուսը` փեսայի ընկերը:

Մեզ հետաքրքիր մի դեպք ևս պատմեցին հարսանիքից. ինչպես հայտնի է, հարսանյաց սրահը և դրա հարակից հատվածները զարդարված են եղել արտասահմանից բերված կարմիր շքեղ կակաչներով: Խոհանոցում որպես սպասք լվացող աշխատող հայ կանանցից մեկը բարձրաձայնել է, որ կարմիր կակաչները «լավ նշան» չեն և դժբախտություն են բերում: Եվ հենց հարսանիքի գիշերն էլ տեղի է ունեցել այդ ողբերգությունը:

Հայ մեծահարուստ Գագիկ Ղուլյանը Արցախից է, ով երկար տարիներ բնակվում է Անապայում: Վերջինս այստեղ մի շարք բիզնեսներ ունի՝ շինարարական կազմակերպություններ, հյուրանոցներ, խանութներ, հողատարածքներ և այլն: «Վերսալ» հարսանյաց սրահը, որտեղ էլ տեղի է ունեցել հարսանիքը, գործարարին է պատկանում, որը կառուցվել է հատուկ որդու հարսանիքը անցկացնելու համար:

Քրիստինա Աղալարյան