ԱԺ ՀՀԿ խմբակցության պատգամավոր Վարդան Այվազյանն այսօր լրագրողների հետ հանդիպման ընթացքում, անդրադառնալով Կարեն Դեմիրճյանի անվան մարզահամերգային համալիրն իր կողմից գնելու մասին լուրերին, հայտարարեց, որ ապատեղեկատվություն է, և նման տեղեկություն տարածողները արջի ծառայություն են մատուցում իրենց տերերին:
Նրա խոսքով, շատ ժամանակ պետք չէ, որպեսզի իրական սեփականատերը ի հայտ գա: «Մի երկու ամսից կերևա իսկական սեփականատեր: Նման տեղեկություններն ասեղ չեն, որ խոտի դեզի տակ պահես»,-նշեց նա:
Այվազյանը նշեց, որ չի հասկանում նման լուրերն իր անվան հետ կապելու իմաստը: «Ես ողջունում եմ, որ վերցրել է և պետք է օգտագործի, բայց մոլորության մեջ գցել մարդկանց, ապատեղեկատվություն տալ, իմ անվան հետ կապել՝ իմաստը ո՞րն է»,- եզրափակեց նա:
.gif)
