Նորահայտ ֆիլմերի բազմազանությունից հաճախ գլխապտույտ է առաջանում: AdMe.ru-ն առանձնացրել է այս տարվա ընթացքում նկարահանված ֆիլմերը, որոնք արդեն իսկ հասցրել են երկրպագուների մեծ բանակ, մրցանակներ ձեռք բերել: Առանձնացված ֆիլմերի մեծ մասն Armlur.am-ն արդեն իսկ ներկայացրել է իր ընթերցողների դատին` «Օրվա ֆիլմը» բաժնում: Այս պատկերները բացարձակապես տարբեր ժանրերով են նկարահանված, սակայն նրանց միավորում է մեկ բան` նրանք առանձնահատուկ են:
«Վայրի կինը/ Дикая»
Սյուժեի կենտրոնում գրող Շերիլ Սթրեյդն է, ով կորցրել է երջանկության հասնելու հույսը: Նա համարձակություն է հավաքում Խաղաղ օվկիանոսի ծայրը հասնելու և իր հոգեկան տանջանքների հետ միայնակ մնալու: Ռեժիսոր Ժան-Մարկ Վալլեին հաջողվել է առանձնահատուկ փիլիսոփայությամբ պատկեր ստանալ, որը ստիպում է մտորել և, երևի թե, փնտրել կյանքի որոշ հարցերի պատասխաններ:
Դուք կցանկանայի՞ք հավերժ ապրել: Ադալինին հենց նման հնարավորություն է տրվել. ավտովթարից հետո նա դադարում է ծերանալ և ապրում է արդեն 100 տարի: Ձեզ բազում անակնալներ են սպասվում, խարիզմատիկ հերոսներ և հիանալի մթնոլորտ, որն իրական զգացումներ կպատճառի:
«Վրիժառուները. Ալտրոնի դարաշրջանը / Мстители: Эра Альтрона»
Marvel կինոստուդիան հերթական անգամ հավաքել է սուպերհերոս հայտնիներին չարիքից երկրի փրկության համար: Մարդկությունը ոչնչացման եզրին է: Այս անգամ մարդկանց սպառնում է արհեստական բանականություն ունեցող Ալտրոնը, ով ստեղծվել է երկիրը յուրաքանչյուր սպառնալիքներից պաշտպանելու համար: Սակայն Ալտրոնի համար ամենամեծ սպառնալիքը հենց մարդկությունն է:
«Ամեն ինչի տեսությունը / Вселенная Стивена Хокинга»
Սյուժեի հիմքում հիանալի տիեզերագետ Ստիվեն Հոուքինգի և նրա կնոջ` Ջեյնի հարաբերություններն են: Ստիվենը երիտասարդ տարիքում ծանր վնասվածք է ստանում և սկսում տառապել «Լու Գերիգի» հիվանդությամբ: Նրա վիճակը գնալով վատանում է: Հուզիչ մելոդրաման անտարբեր չի թողնի ոչ ոքի և կստիպի հավատալ, որ լավն ու դրականը գոյություն ունեն:
«Վայրի պատմություններ/ Дикие истории»
Ֆիլմը կազմված է 6 փոքր նովելներից, որում ցուցադրվում է սիրուց, ողբերգությունից, դրամայից և հոգեկան խանգարումներից ստացված խճանկար: Սա բավականին դաժան, սակայն միևնույն ժամանակ, թերևս, գրավիչ կատակերգություն-թրիլլեր է, որում կյանքի տրամաբանական իրավիճակները շրջվում են անսպասելի բանալիով և բերում ապշեցնող հետևանքների:
Սյուզան Կուպերն ամբողջ կյանքում երազել է դառնալ գաղտնի գործակալ և նույնիսկ աշխատել է ԿՀՎ-ում: Սակայն, ամենացածր պաշտոնից ավելիին հասնել նրան չհաջողվեց: Նա շարունակում է հավատալ, որ կստանա իր հնարավորությունը, և շուտով ճակատագիրը նրան հնարավորություն է ընձեռում:
«Բըրդմեն / Бёрдмэн» (Տարվա օսկարակիր ֆիլմ)
Սյուժեի կենտրոնում նախկին դերասանն է, ով ժամանակին հայտնի ֆիլմերից մեկում կատարել է բըրդմենի (մարդ-թռչուն) դերը: Եվ ահա, նախկին կինոաստղը որոշում է նկարահանվել նոր բրոդվեյան ժապավենում` իր նախկին փառքը, փայլն ու մեծությունը վերադարձնելու ակնկալիքով:
«Խենթ Մաքսը: Զայրույթի ճանապարհը / Безумный Макс: Дорога ярости»
Անհանգիստ անցյալի ուրվականների կողմից հետապնդվող Մաքսը վստահ է, որ կյանքն ապահովելու լավագույն տարբերակը միայնակ մնալն է: Չնայած դրան` նա միանում է ապստամբներին, ովքեր փախչում էին անապատով` Ֆուրիոսի գլխավորությամբ:
«U.N.C.L.E. գործակալները/Агенты А.Н.К.Л.»
Գայա Ռիչիի նոր ֆիլմը 1960-ականների նույնանուն սերիալի վերականգնված տարբերակն է, որում կարելի է տեսնել ՆԳՆ-ի ԱԱԾ-ի գործակալների տարբերությունները: Իրավիճակի թելադրանքով բավականին բարդ գործի շրջանակներում այդ երկուսը դառնում են թիմակիցներ: Արդյունքում ստացվել է ազդեցիկ պատկեր` լրտեսական փայլուն խաղերով, դրանցով համեմված մթնոլորտով և սյուժետային հիանալի վայրիվերումներով:
«Գլուխկոտրուկ/ Головоломка»
Ընտրանու շարքին արժանի տեղ է զբաղեցրել այս զարմանալի մուլտֆիլմը, որն ունակ է դիպչելու ցանկացած մեծահասակի սրտին: Պատկերի կենտրոնում 11-ամյա դպրոցական Ռայլին է և նրա էմոցիաները` Ուրախություն, Տխրություն, Զայրույթ, Վախ և Պոռթկում, որոնք ապրում են նրա գլխում և օգնում լուծել խնդիրները:
.gif)
