Մուլտիմիլիարդատեր Դոնալդ Թրամփը, ով իր թեկնածությունն է առաջադրել ԱՄՆ նախագահի պաշտոնին, Հարավային Կարոլինայում ելույթի ժամանակ բեմ է հրավիրել ունկնդիրներից մեկին, որպեսզի նա շոշափի իր մազերը: Շոշափելով մազերը՝ կինն ուղիղ եթերում հաստատել է, որ 69-ամյա գործարարի մազերն իր սեփականն են ու կեղծամ չեն: Այս մասին այսօր հայտնել է CNN հեռուստաալիքը:
Պատահական ընտրված հանդիսատեսը պարզվում է Հանրապետական կուսակցությունից Մերի Մարգարետ Բանիսթերն է՝ տեղի կուսակցական առաջնորդներից մեկի կինը: Վերջինս պատմել է, որ նախկինում երբեք չի շփվել Թրամփի հետ:
«Դա չափազանց տարօրինակ փորձ էր»,- նշել է նա:
.gif)
