Տրոպիկական փոթորիկը հողին է հավասարեցրել Դոմինիկա պետությունը (տեսանյութ)

«Էրիկա» տրոպիկական փոթորկի հետևանքով Դոմինիկա կղզի պետությունում նվազագույնը 31 մարդ անհետ կորել է, 35` զոհվել:

Երկրի վարչապետ Ռուզվելտ Սկերիտայի խոսքով՝ հասցված վնասը 20 տարով հետաձգել է երկրի զարգացումը:

«Ավերածությունների ծավալը հսկայական է: Ամեն ինչ ավելի վատ է, քան ակնկալվում էր»,-հայտարարել է նա: Կառավարության ղեկավարի խոսքով՝ ոչնչացվել են հարյուրավոր տներ, կամուրջներ ու ճանապարհներ:

«Մենք ըստ էության ստիպված ենք նորից կառուցել Դոմինիկան»,-ընդգծել է վարչապետը՝ կատարվածն անվանելով «ազգային ողբերգություն», փոխանցում է Associated Press-ը:

Վարչապետի պնդմամբ՝ երկրի շատ շրջաններ անճանաչելիորեն փոխվել են: Մի քանի ժամվա ընթացքում Դոմինիկայում 38սմ տեղումներ են տեղացել: