Այսօր օգոստոսի 31-ն է, տարվա 243-րդ օրը: Տարբեր տարիների այս օրը տեղի են ունեցել մի շարք ուշագրավ իրադարձություններ: 1954 թվականին Լեռնային Ղարաբաղի Ստեփանակերտ քաղաքում, որոշ տվյալների համաձայն՝ ԼՂԻՄ Ասկերանի շրջանի Դաշբուլաղ գյուղում է ծնվել ՀՀ երկրորդ նախագահ Ռոբերտ Քոչարյանը:
Միջնակարգ դպրոցն ավարտել է Ստեփանակերտում։ Աշխատանքային գործունեությունը սկսկել է Ստեփանակերտի էլեկտրատեխնիկական գործարանում։ Եղել է հավաքող-փականագործ, ապա՝ ինժեներ-մեխանիկ։
1898 և 1990 թթ. ընտրվել է Հայաստանի Գերագույն խորհրդի պատգամավոր, ապա Գերագույն խորհրդի նախագահության անդամ։ 1991-ին ընտրվել է ԼՂՀ առաջին գումարման Գերագույն խորհրդի պատգամավոր։ 1994 թվականի դեկտեմբերի 24-ին ԼՂՀ Գերագույն խորհրդի որոշմամբ, իսկ 1996թվականի նոյեմբերին՝ համաժողովրդական ընտրություններով, Ռոբերտ Քոչարյանն ընտրվել է Լեռնային Ղարաբաղի Հանրապետության նախագահ։
1997-ի մարտի 20-ին Ռոբերտ Քոչարյանը նշանակվել է Հայաստանի Հանրապետության վարչապետ։ 1998թվականի մարտի 30-ին արտահերթ նախագահական ընտրություններում Ռոբերտ Քոչարյանն ընտրվել է Հայաստանի Հանրապետության նախագահ։ 2003-ի մարտի 5-2008 թվականը Ռոբերտ Քոչարյանը վերընտրվել է Հայաստանի Հանրապետության նախագահի պաշտոնում։
Հենց 2008 թվականի մարտի 1-ին, երբ տեղի ունեցավ ողբերգությունը, երեկոյան Ռոբերտ Քոչարյանը, տեսնելով, որ իրավիճակը դուրս է գալիս ոստիկանության վերահսկողությունից, ու հնարավոր է ցուցարարներն արդեն հայտնվեն նախագահական նստավայրի մոտ, դեռևս նախագահի պաշտոնը զբաղեցնող Ռոբերտ Քոչարյանը ելույթ է ունենում հեռուստատեսությամբ և երկրում հայտարարում արտակարգ դրություն 20 օր ժամկետով:
ՀՀ երկրորդ նախագահ Ռոբերտ Քոչարյանի ընտանիքը նրա պաշտոնավարման տարիներին, ըստ տարբեր գնահատականների, հասցրել է կուտակել 6-ից 8 միլիարդ դոլարի կարողություն:
.gif)
