Արտառոց դեպք Ջերմուկում. տղամարդը սպառնացել է պայթեցնել շենքը. «Հրապարակ»

«Հրապարակ» օրաթերթը գրում է. ««Օրերս Վայոց Ձորի մարզի Ջերմուկ քաղաքում արտառոց դեպք է եղել. Ձախափնյակ թաղամասի 21 շենքի բնակիչ Մկրտիչը զանգել է 911 ծառայություն և ասել, որ եթե 30 րոպեի ընթացքում իրեն լրագրող չմոտենա, կպայթեցնի շենքը։ Երբ փրկարարները ժամանել են ահազանգի հետքերով, պարզվել է, որ 33-ամյա տղամարդը միայնակ փակվել է իր բնակարանում և պահանջում է լրագրող, ով կլուսաբանի իր դժվար սոցիալական վիճակը, հակառակ դեպքում կպայթեցնի շենքը։

Փրկարարներին հաջողվել է համոզել նրան բացել բնակարանի դուռը, առաջին բուժօգնություն են ցուցաբերել, տղամարդու մոտ պայթուցիկ սարք կամ նյութ չի հայտնաբերվել։ Պարզվում է, սակայն, որ նա հասցրել է կոտրել ճաշասենյակի կահույքի և պատուհանի ապակիները, ստանալ մարմնական վնասվածք»:

Ավելի մանրամասն՝ թերթի այսօրվա համարում: