Մոսկվայի «Դոմոդեդովո» օդանակավակայանում այսօր առավոտյան հրդեհ է բռնկվել: Ինչպես հայտնում է BBC-ն, հրշեջներին հաջողվել է հանգցնել շենքի ստորին՝ ցոկոլային հարկում բռնկված կրակը:
Գերատեսչության ներկայացուցչի խոսքերով՝ բաց կրակը չեզոքացվել է Մոսկվայի ժամանակով ժամը 8:10-ին: Այժմ օդանավակայանի տարածքը օդափոխում են:
Օդանավակայանի մամլո ծառայությունից հայտնել են, որ այժմ կրակի պատճառով չեղյալ է հայտարարվել մի քանի չվերթ: Ընդ որում՝ օդանավակայանը չվերթներն ընդունում է սահմանված ռեժիմով:
Տեղեկացվում է, որ հրդեհի հավանական պատճառ կարող էր դառնալ կարճ միացումը:
ԱԻՆ-ից հայտնել են, որ հրդեհի պատճառով ծուխն ամբողջությամբ լցվել է օդանավակայանի շենքի երրորդը հարկը: Շենքից տարհանվել է շուրջ 3000 մարդ:
.gif)
