ՀՀ նախագահի արարողակարգի բաժնի աշխատակիցները պարբերաբար խնդիրներ են ստեղծում Սերժ Սարգսյանի համար: 2010թ. արարողակարգի բաժնի աշխատակից Արամ Կանդայանը Երեւանի նախկին քաղաքապետ Գագիկ Բեգլարյանի ապտակին արժանացավ՝ Պլասիդո Դոմինգոյի համերգի ժամանակ կատարած իր սխալ աշխատանքի համար: Եվ ահա շաբաթ օրը նախագահի արարողակարգի բաժնի աշխատակիցները նեղացրել են Հայաստանի երկրորդ մայրաքաղաք Գյումրու քաղաքապետ, ԲՀԿ-ական Սամվել Բալասանյանին: Նրանք այնպես են դասավորել Սերժ Սարգսյանի պատվին կայացած ճաշկերույթի սեղանները, որ Բալասանյանը չնստի Սարգսյանի կողքին: Արդյունքում՝ Բալասանյանը լքել է ռեստորանը: Ինչո՞ւ են նախագահի արարողակարգի աշխատակիցները արհամարհել Ս. Բալասանյանին: «Ժողովուրդ»-ի այս հարցին ՀՀԿ մամլո խոսնակ Էդուարդ Շարմազանովը պատասխանեց. «Կա արարողակարգ, ամեն ինչ պետք է արվի արարողակարգին համապատասխան… բայց որ արհամարհեինք, նրան չէինք առաջարկի առաջադրվել քաղաքապետի պաշտոնում»:
.gif)
