Armlur.am-ն արդեն հայտնել էր, որ այսօր Հայաստան-Դանիա ֆուտբոլային հանդիպումից առաջ ՀՖՖ նախագահ Ռուբեն Հայրապետյանը զրուցել է Շանթ Հարությունյանի որդու՝ Շահեն Հարությունյանի հետ և վերջինիս հորդորել Հայաստան-Պորտուգալիա խաղի պես չվարվել և չվազել խաղադաշտ:
Armlur.am-ին հայտնի դարձավ, որ այս առանձնազրույցից հետո Շահենին են մոտեցել անձինք և հորդորել լքել խաղադաշտը: Ականատեսների խոսքով` այդ անձինք հրել են Շահենին, որի պատճառով վերջինս ընկել է աստիճաններից և վնասել ոտքը:
Այս միջադեպից հետո նրան տեղափոխել են հիվանդանոց: Նրա ընկեր Արթուր Քոչարյանը փոխանցեց, որ Շահենի մոտ սալջարդ է եղել, սակայն արդեն դուրս է գրվել: Ընդգծենք, որ նրան խաղադաշտից դուրս են հրավիրել Հայրապետյանի հետ խոսելուց անմիջապես հետո:
Դավիթ Զախարյանը, ով Շահենի հետ ևս խաղադաշտում է եղել, հայտնեց, որ քաղաքացիական հագուստով ոստիկանները ողջ խաղի ընթացքում խանգարել են ֆուտբոլ դիտել: Դավիթը փոխանցեց, որ այդպես էլ չեն կարողացել ազատվել հետապնդումից և նրանց դուրս են հանել խաղադաշտից, որի ժամանակ էլ Շահենը ստացել է վնասվածքը:
.gif)
