ՀՀ սփյուռքի նախարար Հրանուշ Հակոբյանն ընդունեց ՄԱԿ-ի մանկական հիմնադրամի (ՅՈՒՆԻՍԵՖ) Հայաստանյան ներկայացուցիչ Տանյա Ռադոչային:
Ողջունելով հյուրին՝ նախարարը շնորհավորեց Տ.Ռադոչային Հայաստանում ՄԱԿ-ի մանկական հիմնադրամի հայաստանյան գրասենյակի ղեկավարի պաշտոնում նշանակվելու առթիվ:
Նախարարը կարևորեց հիմնադրամի ավելի քան երկու տասնամյակ շարունակվող գործունեությունը՝ նշելով, որ այն նպաստում է մանկական տարբեր ծրագրերի արդյունավետ իրականացմանը:
Տանյա Ռադոչան բարձր գնահատեց ՀՀ կառավարության աջակցությունը սիրիահայ փախստականներին, ի մասնավորի՝ սիրիահայ երեխաներին, և նշեց, որ ՅՈՒՆԻՍԵՖ-ը շարունակելու է իր համագործակցությունը ՀՀ կառավարության հետ երեխաների իրավունքների պաշտպանության ոլորտում կառուցվածքային բարեփոխումներ իրականացնելու ուղղությամբ:
Այնուհետև նախարարը Տ.Ռադոչային ներկայացրեց §Նոր Հալեպ¦ բնակարանային ծրագիրը և նշեց, որ ՀՀ կառավարության առաջնային խնդիրներից է սիրահայերի բնակության, առողջապահության, փաստաթղթային ինչպես նաև կրթության հարցերը՝ շեշտելով նրանց ժամանակավոր կամ մշտական բնակության հարցը լուծման առաջնահերթությունը:
Այնուհետև գերատեսչության ղեկավարը ներկայացրեց նախարարության ծրագրերն ու գործունեությունը:
Նախարարը առաջարկեց համատեղ մշակել փախստական երեխաների պաշտպանության ռազմավարություն: Առաջարկությունը դրական արձագանք ստացավ Ռադոչայի կողմից:
Շնորհակալություն հայտնելով ջերմ ընդունելության համար՝ Տանյա Ռադոչայը հույս հայտնեց, որ նախարարությունը առավել ակտիվ կշարունակի հիմնադրամի հետ հետագա համագործակցությունը:
.gif)
