Վանաձորում մի ընտանիքի Սերժ Սարգսյանին ընտրելու համար երեսուն հազար դրամ են տվել: Ինչպես “Առաջին լրատվական”-ին հայտնում են Րաֆֆի Հովհաննիսյանի նախընտրական շտաբից, երեք հոգանոց ընտանիքին կաշառք են տվել, որպեսզի ընտրեն Սերժ Սարգսյանին:
Երեկ ընտանիքի մայրը մահացել է, իսկ Սերժ Սարգսյանի շտաբից ընտանիքին կաշառք տվողը եկել և հետ է ուզել տասը հազար դրամը: Նշենք, որ տիկին Ալմաստի հոգեհանգիստն էլ դեռ չի եղել: Հիշեցնենք, որ ՀՀ նախագահի պաշտոնին հավականում է 7 թեկնածու. ՀՀԿ առաջնորդ, Հայաստանի գործող նախագահ Սերժ Սարգսյանը, “Ժառանգություն” կուսակցության ղեկավար Րաֆֆի Հովհաննիսյանը, “Ազատություն” կուսակցության առաջնորդ, նախկին վարչապետ Հրանտ Բագրատյանը, “Ազգայիn ինքնորոշում միավորում” կուսակցության նախագահ Պարույր Հայրիկյանը, “Ռադիո հայ” ընկերության խորհրդի նախագահ, քաղաքագետ Անդրիաս Ղուկասյանը, ԼՂՀ նախկին ԱԳ նախարար Արման Մելիքյանը, և էպոսագետ Վարդան Սեդրակյանը:
.gif)
