Գլենդելու ՀՀ հյուպատոսության շենքի վրա անհայտ անձն այսօր «Մոլոտովի կոկտեյլ» է շպրտել: Այս մասին California Courier թերթին հայտնել է իր անանուն աղբյուրը: Հյուպատոսության անվտանգության տեսախցիկները ֆիքսել են, թե ինչպես է մի մեքենա կանգնում շենքի դիմաց, իսկ ուղևորներից մեկը դուրս է գալիս մեքենայից ու հրկիզվող նյութով շիշը նետում շենքի ուղղությամբ:
Արդյունքում այրման հետքեր են մնացել շենքի արտաքին պատի մի փոքր հատվածի վրա, ինչպես նաև խանձվել են մոտակա ծառի ճյուղերը:
Գլենդելի ոստիկանությունը ժամանել է դեպքի վայր, երբ արդեն հանցագործները դիմել էին փախուստի: Դեպքի հետաքննությամբ զբաղվում են և՛ Գլենդելի ոստիկանությունը, և՛ ԱՄՆ Պետդեպարտամենտի անվտանգության վարչությունը:
.gif)
