ՀՀ առողջապահության նախարարությունն ու մասնավորապես ՀՀ գլխավոր վարակաբանը նշում են, որ Հայաստանում շրջանառվում է H1N1 վիրուսը (հայտնի որպես խոզի գրիպ): Ասվում է նաև, որ վիրուսն այլևս չունի նախկին ագրեսիվությունը:
Երեկ թերթը տեղեկություններ է ստացել, որ ՀՀ-ում խոզի գրիպից մահվան 2 դեպք է գրանցվել: Ավելի ուշ պարզվել է, որ հիվանդների մոտ ախտորոշված է եղել թոքաբորբ: ՀՀ գլխավոր վարակաբան Արա Ասոյանը, թերթի թղթակցի հետ զրույցում նշելով, որ խոզի գրիպից մահվան դեպքեր Հայաստանում չկան, չի բացառել, որ մահվան հանգեցնող թոքաբորբի պատճառը կարող է լինել նույն խոզի գրիպը:
.gif)
