ԱԺ պետական-իրավական հարցերի մշտական հանձնաժողովի նիստում շարունակվում է Սահամանդրական բարեփոխումների նախագծի քննարկումները:
«Ժառանգություն» խմբակցության պատգամավոր Զարուհի Փոստանջյանը սահմանադրական փոփոխությունների մասնագիտական հանձնաժողովի անդամ Վարդան Պողոսյանից հետաքրքրվեց` ուր է սահմանադրական փոփոխությունների պատվիրատուն:
«Դուք այս Սահմանադրության առաջին նախադասությամբ գրել եք, որ 1995թ. Սահմանադրությունը շարադրվել է խմբավորմամբ, բայց բերել եք նախագծի բացարձակ նոր մի փաստաթուղթ: Ուզում եմ իմանալ` դա Ձեր մտահղացո՞ւմն էր այսպես անել, թե՞ Սերժ Սարգսյանն էր ասել, որ ներկայացնեքˋ այս ամենն ուղղակի փոփոխություններ: Դուք փոխում եք Սահմանադրությունը, որ Սերժ Սարգսյանը հնարավորություն ունենա պաշտոնավարելու, դուք իրեն չե՞ք հարցելˋ եթե ասում եք որևէ պաշտոն չեք ստանձնելու, հանրությունը Ձեզ կհավատա՞: Չի հավատա. բազմիցս իրեն խաբել եք: Դուք անձամբ իրեն հավատո՞ւմ եք: Սերժ Սարգսյանը Ջորջ Վաշինգտո՞նն է, ո՞վ է, որ ուզում է կառավարման մոդելն ամբողջությամբ փոխել»:
Վարդան Պողոսյանը նշեց, որ լսեց այնպիսի կարծիքներ, որոնք չի կիսում. «Այստեղ պետք է քննարկվի իրավական հարցեր, մնացածը չէի ցանկանա դիրքս չարաշահել եւ ձեզ հետ մտնել բանավեճի մեջ», – հավելեց նա:
.gif)
