Այսօր վաղ առավոտյան ոստիկանությունը բացեց Երևանի Բաղրամյան պողոտան, որը փակել էին էլեկտրաէներգիայի թանկացման դեմ պայքարող «Ոչ թալան»-ին նախաձեռնության անդամները:
Ոստիկանությունը հայտարարություն էր տարածել, որով տեղեկացնում էր, որ առավոտյան 5-ից պարբերաբար ակցիայի մասնակիցներին հորդորում էր բացել Բաղրամյան պողոտան, սակայն ակտիվիստները շղթա կազմած կանգնել էին պողոտայում: Առավոտյան ժամը 5:30-ին իրավապահները շղթա կազմեցին և ակտիվիստներին դուրս բերեցին պողոտայի երթևեկելի հատվածից:
Ոստիկանության տարածած հաղորդագրությունից տեղեկանում ենք, որ հավաքի մասնակիցներն անտեսել են ՀՀ ոստիկանության պահանջները, և սահմանված ժակետը լրանալուց հետո ՀՀ ոստիկանությունը ձեռնամուխ է եղել Բաղրամյան պողոտայի արգելափակման վերացմանը: Ոստիկանական միջոցառումների իրականացման ընթացքում առերևույթ իրավախախտում կատարած անձինք տարվել են ՀՀ ոստիկանության բաժիններ: Ժամը 06.00-ի դրությամբ Բաղրամյան պողոտայի բնականոն երթևեկությունն ամբողջությամբ վերականգնված է եղել:
.gif)
