«Ժողովուրդ» օրաթերթը գրում է. «Երեկ ԱԺ աշնանային նստաշրջանին մասնակցեց նաեւ ԱԺ ԲՀԿ խմբակցության պատգամավոր Վարդան Օսկանյանը, որը ԲՀԿ նախկին առաջնորդ Գագիկ Ծառուկյանի քաղաքականությունից հեռանալուց հետո խորհրդարանի աշխատանքներին չէր մասնակցում: «Ժողովուրդ»-ը փորձեց Օսկանյանից պարզել՝ արդյո՞ք ինքը պատրաստվում է կուսակցություն հիմնել, որում պետք է ընդգրկվեն նաեւ ԱԺ ԲՀԿ խմբակցության մի քանի այլ պատգամավորներ: Սակայն Օսկանյանը կտրականապես հրաժարվեց մեր հարցերին պատասխանել: Նա երեկ գրեթե ողջ օրը խորհրդարանի իր աշխատասենյակում հանդիպումներ էր ունենում, եւ ինչ-որ հարցերի շուրջ քննարկումներ էին ընթանում: Ըստ տեղեկությունների՝ Վ. Օսկանյանի հիմնադրելիք կուսակցությունը քաղաքական դաշտում պետք է ներկայացնի եւ պաշտպանի Ռոբերտ Քոչարյանի շահերը»:
Ավելի մանրամասն՝ թերթի այսօրվա համարում:
Հիշեցնենք, որ այս տարվա հուլիսի 22-ին ԲՀԿ նախկին առաջնորդ Գագիկ Ծառուկյանի հովանավորությամբ Նոր Հաճնում եկեղեցու օծման արարողությանը ներկա էր նաև Վարդան Օսկանյանը: Վերջինս, խուսափելով լրագրողների հարցերին պատասխանելուց, հայտարարել էր, թե իր խոսքը կասի սեպտեմբերին: Սակայն ամիսն ավարտվում է, Վարդան Օսկանյանն իր խոսքը դեռ չի ասել:
.gif)
