Ավտովթար Իսակովի պողոտայում

Սեպտեմբերի 22-ին, ժամը 00.28-ին ահազանգ է ստացվել, որ Երևանի Իսակովի պողոտայում՝ ՀՀ ոստիկանության ակադեմիայի մոտակայքում, տեղի է ունեցել ՃՏՊ. «ՎԱԶ-2107» մակնիշի ավտոմեքենան դուրս է եկել ճանապարհի երթևեկելի հատվածից, բախվել է ծառին և կողաշրջվել, զոհեր և տուժածներ չեն նկատվում. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում Իսակովի պողոտայում՝ ՀՀ ոստիկանության զորքերի զորամասի մոտակայքում, «ՎԱԶ-2106» մանիշի 30 LU 017 պետհամարանիշի ավտոմեքենան (վարորդ՝ Ա. Մ.) դուրս է եկել ճանապարհի երթևեկելի հատվածից, բախվել ծառին և կողաշրջվել:

Մինչ հրշեջ-փրկարարների կանչի վայր հասնելը Ա. Մ.-ը տեղի ուժերով դուրս է բերվել ավտոմեքենայից և տեխափոխվել զորամասի բուժկետ, այնուհետև հոսպիտալացվել է «Էրեբունի» ԲԿ, որտեղ ստանալով համապատասխան բուժօգնություն՝ դուրս է գրվել:

Հրշեջ-փրկարարները հոսանքազրկել են ավտոմեքենան: