Վանում ահաբեկչությունների շարք է իրականացվել, որոնց հետևանքով ընդհանուր առմամբ 24 զինվոր է վիրավորվել : Սեպտեմբերի 21-ի երեկոյան Թուրքիայում արգելված Քրդստանի աշխատավոր կուսակցության (PKK) անդամները հարձակում են իրականացրել երկրի արևելյան Վան նահանգում, գրում է hurriyetdailynews.com:
PKK զինյալները հեռահար կառավարմամբ պայթեցրել են Բաշկալ-Հաքքարի ավտոմայրուղու վրա տեղադրված ինքնաշեն պայթուցիկ սարքը, երբ այդ վայրով անցել է ռազմական ավտոշարասյուն: Արդյունքում մեքենան շրջվել է, 13 զինվոր վիրավորվել է:
Բացի այդ, այսօր վաղ առավոտյան գրանցված մեկ այլ նմանատիպ հարձակման հետևանքով վիրավորվել է 11 զինվոր:
Այժմ Թուրքիայի անվտանգության ուժերը փորձում են պարզել հարձակումներն իրականացրածների ինքնությունը:
.gif)
