Կոալիցիայի մաս կազմող ՕԵԿ-ը նախագահի ընտրություններից մեկ շաբաթ անց նոր է շնորհավորել Սերժ Սարգսյանին: Երեկ ՕԵԿ քաղխորհուրդը վերջապես տարածել է իր շնորհավորական ուղերձը: Չբավարարվելով այդքանով՝ ԱԺ ՕԵԿ խմբակցության ղեկավար Հեղինե Բիշարյանն ԱԺ հայտարարությունների ժամին ընթերցեց շնորհավորական ուղերձի տեքստը: Ուշագրավն այն է, որ ՕԵԿ-ն այս քայլին գնաց միայն այն բանից հետո, երբ «Ժողովուրդ»-ը նկատեց նրանց «բացթողումը»: Հիշեցնենք, որ այդ կուսակցությունում այդպես էլ չէր գտնվել մեկը, որ նախօրեին մեր թղթակցին բացատրեր՝ ընտրություններից մեկ շաբաթ անց ինչու իրենք որեւէ կերպ չեն արձագանքում քաղաքական այդ կարեւոր միջոցառմանը:
.gif)
