Պատժի կրումից խուսափողին հայտնաբերեցին

Ոստիկանության կազմակերպված հանցավորության դեմ պայքարի գլխավոր, Լոռու մարզային վարչությունների և Բազումի բաժնի ծառայողների ձեռնարկած օպերատիվ-հետախուզական միջոցառումների շնորհիվ՝ սեպտեմբերի 28-ին, ժամը 00.10-ին, Վանաձորի Տիգրան Մեծի պողոտայի թիվ 69 շենքի մոտ հայտնաբերվել և բերման է ենթարկվել 1980 թ. ծնված Կոլյա Ա.-ն, որը սեպտեմբերի 19-ից հետախուզվում էր ՀՀ քրեական օրենսգրքի 268 հոդվածի (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) 1-ին մասի մեղադրանքով` պատժի կրումից խուսափելու համար: