ՀՖՖ նախագահ Ռուբեն Հայրապետյանը ցավակցական ուղերձ է հղել ԼՂՀ ֆուտբոլի ֆեդերացիայի նախագահ, ԼՂՀ պաշտպանության փոխնախարար, «Արցախի ազատամարտիկների միություն» կազմակերպության նախագահ Սամվել Կարապետյանի հոր՝ Ջամիլ Կարապետյանի մահվան առնչությամբ:
«Խորապես ցավակցում եմ Ձեզ՝ Ձեր սիրելի հոր՝ Ջամիլ Կարապետյանի մահվան կապակցությամբ: Նրա անցած կյանքը եղել է իր ժողովրդին, ընտանիքին և հասարակությանը նվիրվելու անկրկնելի օրինակ և հայրենասիրության դաս: Խորապես ցավակցում եմ նաև Ձեր ընտանիքին, հարազատներին, մերձավորներին, մաղթում եմ տոկունություն և կամք: Ընդունեք մեր ցավակցություններն ու զորակցությունը»,-«Արմենպրես»-ի հաղորդմամբ` ասված է ուղերձի մեջ:
.gif)
