Սեպտեմբերի 30-ին ՀՀ պաշտպանության նախարար Սեյրան Օհանյանն ընդունեց Ղազախստանի Հանրապետության գործերի ժամանակավոր հավատարմատար Կանատ Հասենովին` Հայաստանում Ղազախստանի նորանշանակ ռազմական կցորդի հավատարմագրման կապակցությամբ:
ՀՀ պաշտպանության նախարարը շնորհավորեց ՂՀ ռազմական կցորդ, գնդապետ Կենժեբեկ Օռիմբաևին, մաղթեց նրան նորանոր հաջողություններ պատասխանատու առաքելության մեջ և հույս հայտնեց հայ-ղազախական երկկողմ հարաբերությունների ամրապնդման և պաշտպանական բնագավառում հետագա զարգացման համագործակցության վերաբերյալ:
Հանդիպման ընթացքում ՀՀ պաշտպանության նախարարը ներկայացրեց նաև հայ-ադրբեջանական պետական սահմանին և ղարաբաղա-ադրբեջանական ուժերի շփման գծում ստեղծված իրավիճակը և վերջին օրերի զարգացումները:
.gif)
