«Արարատ-73»-ի լեգենդար ավագ Հովհաննես Զանազանյանի մահվան գույժը մեծ վիշտ է առաջացրել հայկական ֆուտբոլում: Վերջինիս սան Արամ Հակոբյանն armsport.am-ի զրույցում կիսվեց իր համար շատ ցավալի իրողությամբ և Զանազանյանից մնացած հուշերով.
«Հովհաննես Զանազանյանը մեծ դեր է ունեցել իմ՝ ոչ միայն որպես ֆուտբոլիստ ձևավորման, այլ նաև որպես անձնավորություն կազմավորման գործում: Նրա մահը մեծ կորուստ է բոլորիս համար. ցավոք՝ հիվանդությանը հաղթել չստացվեց… խորը ցավակցություններ եմ հայտնում:
Զանազանյանից վառ հիշողություններ ու պահեր կմնան: Նա միշտ եղել է հոգով բարի և ժպտադեմ. քիչ մարզիչներ են այդպիսին: Նա իր գործի իսկական նվիրյալ էր: Ես միմիայն դրական հիշողություններ եմ պահպանելու իրենից»:
.gif)
