Էդվարդ Նալբանդյանն ընդունել է ՀԱՊԿ գլխավոր քարտուղար Նիկոլայ Բորդյուժային

Հոկ 05,2015 11:21

Հոկտեմբերի 4-ին արտգործնախարար Էդվարդ ‪‎Նալբանդյան‬ն ընդունեց Հավաքական անվտանգության պայմանագրի կազմակերպության գլխավոր քարտուղար Նիկոլայ ‪Բորդյուժա‬յին։

Հանդիպման ընթացքում զրուցակիցներն անդրադարձան Դուշանբեում տեղի ունեցած ՀԱՊԿ հավաքական անվտանգության խորհրդի նստաշրջանի որոշումների կատարման ընթացքին և քննարկեցին Կազմակերպությունում Հայաստանի նախագահությանը վերաբերող հարցեր:

Ի լրումն անցյալ շաբաթ Նյու Յորքում կայացած ՀԱՊԿ արտգործնախարարների հանդիպմանը քննարկված ‪Հայաստան‬ի և ‪‎Ադրբեջան‬ի սահմանին ու ‪‎ղարաբաղ‬ա-ադրբեջանական շփման գծում հրադադարի խախտման հետևանքով ստեղծված իրավիճակին` զրուցակիցներն անդրադարձան իրադրության առնչվող խնդիրներին։
Կողմերը բարձր գնահատեցին Հայաստանում կայացած ՀԱՊԿ Հավաքական խաղաղապահ ուժերի «Անխախտելի եղբայրություն-2015» զորավարժությունները։