Իրենք հասկացան, որ այսպիսի ապօրինի հրամաններ արձակելը չի կարող ներվել. Զարուհի Փոստանջյան (տեսանյութ)

Երեկ «Ժառանգություն» խմբակցության ղեկավար Զարուհի Փոստանջյանը խնդիրների առաջ էր կանգնել, քանի որ նրա օգնականներին չէին թողնում խորհրդարան մուտք գործել: Երեկ այս հարցով պատգամավորը հենց նիստերի դահլիճում մոտեցել էր ԱԺ նախագահ Գալուստ Սահակյանին, իսկ վերջինս հայտարարել էր, թե դա իր հրամանով է եղել, քանի որ պատգամավորը խանգարում է իրենց աշխատանքներին:

Այսօր Armlur.am-ի հետ զրույցում Զարուհի Փոստանջյանը նշեց, որ այդ խնդիրն այսօր արդեն լուծվել  է և իր օգնականները կարողացել են անարգել մուտք գործել խորհրդարան:

«Անօրինական էր, որ թույլ չէին տվել իմ օգնականներին մուտք գործել շենք: Ես ասացի, որ այդպիսի խտրական մոտեցում չեմ ընդունելու, շտապ լուծեք այդ հարցը և թույլ տվեք, որ ես կարողանամ իմ բնականոն գործունեությունը ծավալեմ: Իրենք հասկացան, որ այսպիսի ապօրինի հրամաններ արձակելն իրենց չի կարող ներվել», – նշեց պատգամավորը:

Մանրամասները` ArmLur.am-ի տեսանյութում

Նաիրա Հովհաննիսյան, Հովսեփ Հովսեփյան