Քաղաքականությունն անբարոյականություն է, թե բարոյականություն՝ երկու դեպքում էլ Տիգրան Կարապետիչի մոտ այն չի ստացվել եւ չի էլ ստացվի, ու որեւիցե ընտրություններում ընտրվելու շանսեր նա երբեք չի կարող ունենալ: Ու դժվար թե Կարապետիչն այդքանը չհասկանա, պարզապես դա խոստովանելու փոխարեն ավելի հեշտ է ամեն ինչ բարդել քաղաքականության անբարոյականության վրա, ոչ թե ասել, թե անիմաստ է համարում լրացուցիչ ներդրում անելը, Ռուսաստանում եւս մեկ խանութ վաճառելը: Առանց այն էլ ԱԼՄ-ում կարմրաթուշ տղաներին ու աղջիկներին երգացնելու համար քաղաքագիտության թեկնածուն խանութներ կորցրեց: